Fríhöfnin velur Advania

 
Nýtt afgreiðsluferli í brottfararsal flugstöð Leifs Eiríkssonar

Fríhöfnin í flugstöð Leifs Eiríkssonar hefur nú endurnýjað og breytt öllu sínu afgreiðsluferli í brottfarasalnum, í samstarfi við Advania. Markmiðið er að flýta afgreiðslu, minnka biðtíma farþega og bæta þjónustuna í versluninni. Efst á baugi í þessum umbótum er biðraðakerfi og sjálf afgreiðslustöðin.

Miklu skiptir að lágmarka biðtíma

„Það skiptir miklu máli að geta afgreitt hratt og vel allan þann fjölda ferðamanna sem nú fara um Keflavíkurflugvöll. Fyrir okkur er því lykilatriði að hafa  áreiðanlegan og skilvirkan búnað til að lágmarka biðtíma viðskiptavina“, segir Þorgerður Þráinsdóttir framkvæmdastjóri Fríhafnarinnar.

Sambyggðar afgreiðslutölvur

Flugstöðin valdi nýjar NCR RealPOS XR7 sambyggðar afgreiðslutölvur, NCR prentara, Symbol Skanna og skúffur sem eru að leysa af eldri NCR búnað. NCR RealPOS XR7 er það nýjasta og besta í afgreiðslutölvum og falleg hönnun vélarinnar virkar vel með nýjum innréttingum í Fríhöfninni.

Viðskiptavinir sjá og heyra í næsta lausa afgreiðslukassa!

„Biðraðakerfið er fyrsta sinnar tegundar á Íslandi og gengur undir nafninu QMATIC Linea. Biðröðin myndast eins og hefðbundið er og „kallar“ kerfið sjálfkrafa upp viðskiptavini, bæði með blikkandi ljósi og „röddu“ og gefur um leið til kynna hvert viðkomandi á að fara“, segir Örn Þór Alfreðsson, framkvæmdastjóri hjá Advania.  

Afgreiðsla, útfærsla og uppsetning voru til fyrirmyndar bæði hjá ISAVIA, Fríhöfninni og Advania.